Azərbaycan Respublikasının fövqəladə hallar naziri, general-polkovnik Kəmaləddin Heydərov mayın 31-də saat 10:00-da Lənkəran şəhərində vətəndaşları qəbul edəcəkdir.

Fövqəladə Hallar Nazirliyindən AzərTAc-a bildirmişlər ki, qəbulda təkcə Lənkəran, Masallı, Astara, Lerik, Yardımlı və Cəlilabad rayonlarının sakinləri deyil, həmçinin həmin rayonlarda müvəqqəti məskunlaşmış məcburi köçkünlər də iştirak edə bilərlər.

Qəbulda yalnız Fövqəladə Hallar Nazirliyinin fəaliyyəti ilə bağlı müraciətlərə baxılacaqdır.

Qəbula gələn vətəndaşların qeydiyyatı Fövqəladə Hallar Nazirliyinin Cənub Regional Mərkəzinin inzibati binasında (ünvan: Lənkəran şəhəri, Lənkəran-Astara şossesi, Digah kəndi) mayın 29-da saat 14:00-dan başlayacaqdır.

Qəbula gələn vətəndaşlar şəxsiyyəti təsdiq edən sənəd təqdim etməlidirlər.

Əlaqə telefonu:  994 (12) 512-01-14

e-mail: [email protected]