Beynəlxalq Avrasiya Mətbuat Fondu (BAMF) Dayanıqlı İnkişaf Uğrunda Şimal Alyansına (ANPED) üzv qəbul edilmişdir.

Bu barədə BAMF-ın sədri Umud Rəhimoğlu AzərTAc-a bildirmişdir.

U.Rəhimoğlu demişdir ki, bundan əvvəl BMT-nin İqtisadi və Sosial Şurasının, ABŞ Dövlət Departamenti Özəl Tərəfdaşlıq Proqramının, Beynəlxalq Sülh Bürosunun, Qaçqınlar və Sığınacaq Axtaranlar üzrə Avropa Şurasının, Beynəlxalq Mətbuat İnstitutunun üzvü olan BAMF ANPED ilə də əməkdaşlığa böyük önəm verir. 

BAMF-ın sədri bildirmişdir ki, ANPED vətəndaş cəmiyyəti təşkilatlarının potensialının artırılması istiqamətində güclü strategiyaya və aydın platformaya malikdir. Bu qurumun səmərəli əlaqələndirici fəaliyyəti, müxtəlif debatların təşkili və bu debatlarda iştirakın yeni formalarının tətbiqi sahəsində fərqli metodologiyası vardır. BAMF-ın bu mötəbər qurumla əməkdaşlığından Azərbaycanda, eləcə də postsovet məkanında fəaliyyət göstərən vətəndaş cəmiyyəti institutları faydalanacaqlar.