Dövlət Sərhəd Xidmətinin (DSX) rəisi, Sərhəd Qoşunlarının Komandanı general-leytenant Elçin Quliyev mayın 23-də Lənkəran Sərhəd Dəstəsində Yardımlı, Lənkəran, Astara, Lerik rayonlarının sakinlərinin qəbulunu keçirəcəkdir.

DSX-nin mətbuat mərkəzindən AzərTAc-a bildirmişlər ki, qəbulda iştirak etmək istəyənlərdən xahiş olunur ki, onları maraqlandıran sualları mayın 20-dək Dövlət Sərhəd Xidmətinin www.dsx.gov.az rəsmi saytında yerləşdirsinlər.

Qeydiyyat üçün (012) 498-01-55 və 498-01-69 nömrəli telefonlarla əlaqə saxlanılması və ya Lənkəran Sərhəd Dəstəsinə müraciət edilməsi xahiş olunur.