Azərbaycanın Xalq yazıçısı Elçinin "Ədəbi düşüncələr" kitabı Türkiyənin məşhur "Ötüken" nəşriyyatında türk dilində çapdan çıxmışdır.
Türk oxucuları "Ədəbi düşüncələr"lə ilk dəfə 2003-cü ildə tanış olmuşlar. "DA yayıncılık" nəşriyyatında çapdan çıxmış həmin kitabı bir qrup universitet müəllimi türk dilinə çevirmişdi.
Yeni nəşrdə isə "Ədəbi düşüncələr"i türk dilinə Azad Ağaoğlu və Mehdi İsmayıloğlu tərcümə etmişlər.
Ədibin 456 kiçik essesini əhatə edən bu kitab elmi dəqiqliyi və şərhləri ilə seçilir. Türk oxucularının böyük marağına səbəb olmuş "Ədəbi düşüncələr" Elçinin "Ötüken" nəşriyyatında işıq üzü görən doqquzuncu, ümumilikdə isə Türkiyədə nəşr edilmiş on səkkizinci kitabıdır.
AzərTAc{nl}