Mərkəzi Bankın mətbuat xidmətindən bildirmişlər ki, qurum tərəfindən "MasterCard Worldwide" beynəlxalq kart təşkilatının nümayəndələrinin iştirakı ilə ölkədə fəaliyyət göstərən və "MasterCard Worldwide"ın üzvü olan kommersiya banklarının nümayəndələri üçün seminar təşkil edilmişdir.
Tədbirdə təşkilatın Azərbaycan üzrə yeni meneceri Hakan Acar və regional direktor Mete Güney qurumun əsas fəaliyyəti, təsərrüfat subyektləri ilə qarşılıqlı əlaqələrin genişləndirilməsi və ödəniş kartları bazarında uğurlu marketinqin istiqamətləri, o cümlədən öncədən ödənilmiş kart məhsulları və kontaksız ödəmə kartları üzrə beynəlxalq təcrübə, bu sahədəki yeni texnologiyalar haqqında danışmışlar.
Seminarda, həmçinin "MasterCard Worldwide" beynəlxalq kart təşkilatının "MoneySend" pulköçürmə sistemi haqqında da iştirakçılara məlumat verilmişdir.

{nl}