{nl}

İyulun 15-də xarici işlər naziri Elmar Məmmədyarov Polşanın ölkəmizdəki səfiri Kşiştof Krayevski ilə Azərbaycanda fəaliyyət müddətinin başa çatması ilə əlaqədar görüşmüşdür.
Xarici İşlər Nazirliyinin mətbuat xidmətindən bildirmişlər ki, səfir ölkəmizdə fəaliyyət göstərdiyi müddətdə Azərbaycan-Polşa əlaqələrinin bütün sahələrdə, o cümlədən siyasi, iqtisadi və mədəni sahələrdə sürətlə inkişaf etdiyini qeyd etmişdir. Səfir vurğulamışdır ki, iki ölkə arasındakı münasibətlər qarşılıqlı faydalı əməkdaşlıq prinsiplərinə əsaslanır və hər iki xalqın mənafeyinə xidmət edir. O, səfir kimi işlədiyi dövrdə iki ölkə arasında əlaqələrin davamlı olaraq inkişaf etdiyini vurğulamış və gələcəkdə də genişlənəcəyinə ümidvar olduğunu bildirmişdir.
Nazir Elmar Məmmədyarov Azərbaycan və Polşa arasında ikitərəfli münasibətlərin səviyyəsini yüksək qiymətləndirərək səfirə gələcək fəaliyyətində uğurlar arzulamışdır.
AzərTAc