{nl}

İyulun 15-də xarici işlər naziri Elmar Məmmədyarov Macarıstanın ölkəmizdəki səfiri Jeno Boroş ilə Azərbaycanda fəaliyyət müddətinin başa çatması ilə əlaqədar görüşmüşdür.
Görüş zamanı səfir Jeno Boroş Azərbaycanda Macarıstanın səfiri kimi çalışmasından məmnun olduğunu bildirmişdir. İşlədiyi dövrdə iki ölkə arasındakı münasibətlərin daha da genişlənməsi və inkişafı üçün səy göstərdiyini söyləyən səfir bu istiqamətdə XİN ilə faydalı əməkdaşlığı xüsusi vurğulamışdır. Azərbaycandan xoş xatirələrlə ayrıldığını deyən səfir fəaliyyəti zamanı göstərilən dəstək və diqqətə görə minnətdarlığını bildirmişdir.
Nazir E.Məmmədyarov səfir Jeno Boroşa xoş arzularını bildirmiş və gələcək işlərində müvəffəqiyyətlər arzulamışdır.