Sumqayıt şəhər polisinin fəaliyyəti respublika Daxili İşlər Nazirliyi tərəfindən daim diqqət mərkəzindədir. 7 dekabr 2012-ci il tarixdən başlayaraq, Sumqayıt Şəhər Polis İdarəsində yeni bir fəaliyyət dövrü başlandı.

 Belə ki, şəhər polis idarəsinə rəis təyin edilən general-mayor Sahib Mirzəyevin ilk gündən atdığı məqsədyönlü addımlar onu göstərdi ki, bu vətənpərvər Azərbaycan oğlu yüksək biliyə, təcrübəyə, böyük peşə hazırlığına, çevik, bacarıqlı idarəetmə qabiliyyətinə, həm də yüksək insani keyfiyyətlərə malik olan qanun və asayiş keşikçisidir.

O, rəhbərlik etdiyi şəxsi heyəti nümunəvi xidmətə səfərbər edərək qayda və qanunların qorunmasında polisin gecə-gündüz fasiləsiz işləməsini təmin etmişdir. Bu baxımdan şəhərdə narkotika ilə mübarizə işi güclənmiş, mütəşəkkil cinayətkar dəstələr aradan götürülmüşdür. Oğurluq, quldurluq hallarının qarşısı alınmış, asayişin təmin olunmasına diqqət artırılmışdır. Bu tədbirləri Sumqayıt şəhər əhalisi ilə bərabər, şəhərdə və ətraflarda məskunlaşan minlərlə məcburi köçkün də rəğbətlə qarşılayırıq. Onlar əmindirlər ki, təhlükəsizlikləri etibarlı əllərdədir.

Bütün bunlara görə biz məcburi köçkünlər Sumqayıt Şəhər Polis İdarəsinin rəhbərliyinə, əməkdaşlarına öz minnətdarlığımızı bildiririk.

Sumqayıtda məskunlaşan məcburi köçkünlər adından: Varaşil MƏMMƏDOV, əməkdar müəllim