{nl}

İyulun 13-də Niderland Krallığının Kral Sərhəd Xidmətinin Komandanı, general-leytenant Dik Van Puttenin rəhbərlik etdiyi nümayəndə heyəti Azərbaycana səfərə gəlmişdir.
Dövlət Sərhəd Xidmətinin mətbuat mərkəzindən bildirmişlər ki, nümayəndə heyəti səfər çərçivəsində Dövlət Sərhəd Xidməti Sahil Mühafizəsinin bazası və digər xidməti sahələrlə tanış olmuşlar.
Nümayəndə heyətinin üzvləri Azərbaycan Respublikası Dövlət Sərhəd Xidmətinin rəisi, general-leytenant Elçin Quliyevlə görüşmüşlər.
Tərəflər Azərbaycan Respublikası Dövlət Sərhəd Xidməti və Niderland Kral Sərhəd Xidməti arasında əməkdaşlığın mövcud vəziyyətini müzakirə etmiş, əməkdaşlıq perspektivləri və qarşılıqlı maraq kəsb edən digər məsələlər ətrafında fikir mübadiləsi aparılmışdır.
AzərTAc