Azərbaycanda sürücülük vəsiqəsinin qəsdən korlanmasına, yararsız hala salınmasına və ya itirilməsinə görə tətbiq olunan cərimə ləğv edilmişdir.

Trend-in məlumatına görə, Milli Məclisin cümə günü keçirilən plenar iclasında bununla bağlı İnzibati Xətalar Məcəlləsinə (İXM) dəyişiklik olunmuşdur.

Milli Məclisin Hüquq siyasəti və dövlət quruculuğu komitəsinin sədri Əli Hüseynli dəyişikliyi təqdim edərək bildirmişdir ki, artıq Azərbaycanda “ASAN Xidmət” mərkəzləri fəaliyyətə başlamışdır və orada ödəniş etmədən sürücülük vəsiqəsini əldə etmək olar.

Qeyd edək ki, əvvəl qanunvericilikdə sürücülük vəsiqəsinin qəsdən korlanmasına, yararsız hala salınmasına və ya itirilməsinə görə 40 manat miqdarında cərimə nəzərdə tutulurdu.