Azərbaycan Respublikasının ədliyyə naziri, Məhkəmə-Hüquq Şurasının sədri Fikrət Məmmədov aprelin 25-də Xaçmaz şəhərində Xaçmaz, Quba, Qusar, Şabran və Siyəzən rayonlarında yaşayan vətəndaşlarla görüşəcəkdir.

Ədliyyə Nazirliyindən AzərTAc-a bildirmişlər ki, görüşdə ədliyyə və məhkəmə fəaliyyəti və digər məsələlərlə bağlı region sakinlərinin rəy və təklifləri dinləniləcəkdir.

Nazirlə görüşmək istəyən vətəndaşlar Ədliyyə Nazirliyinin [email protected] elektron poçt ünvanı, 539-75-39 (2104), 055-925-37-41 nömrəli telefonlar, habelə Xaçmaz regional ədliyyə şöbəsi (telefonu: (02332) 5-18-88; 050-679-37-06; Xaçmaz şəhəri, H.Z.Tağıyev küçəsi, 10a) vasitəsilə qeydiyyatdan keçə bilərlər.

Vətəndaşların rahatlığı üçün ədliyyə nazirinin həmin gün keçiriləcək görüşünə elektron qaydada birbaşa yazılmaq imkanı yaradılmışdır. Bu məqsədlə Ədliyyə Nazirliyinin elektron xidmətlər portalına (www.exidmet.justice.gov.az) müraciət etmək lazımdır.