Respublika Vəkillər Kollegiyasının Rəyasət Heyətindən "Vəkillər və vəkillik fəaliyyəti haqqında" Azərbaycan Respublikasının Qanununa uyğun olaraq, Vəkillər Kollegiyasına üzv qəbul olunmaq istəyən və qanunvericiliklə müəyyən edilmiş tələblərə cavab verən şəxslər kollegiyanın rəyasət heyətinə aşağıdakı sənədlərlə müraciət edə bilərlər: Vəkillər Kollegiyası Rəyasət Heyətinin müəyyənləşdirdiyi vahid formada ərizə; şəxsiyyət vəsiqəsinin surəti (notariat qaydada təsdiq edilmiş); ali təhsil barədə diplom və onun notariat qaydada təsdiq edilmiş surəti; əmək kitabçasının notariat qaydada və ya iş yerində təsdiq edilmiş surəti; kadrların şəxsi məlumat vərəqəsi; tərcümeyi-hal; əqli cəhətdən sağlamlıq barədə tibbi arayış; 3-4 sm ölçüdə 4 ədəd rəngli fotoşəkil; 4-6 sm ölçüdə rəngli fotoşəkil.
Sənədlər Azərbaycan Respublikası Vəkillər Kollegiyası Rəyasət Heyətinin binasında (Bakı şəhəri, Səməd Vurğun küçəsi 32) iyulun 15-dən sentyabrın 15-dək iş günləri (şənbə və bazar günləri istisna olmaqla) saat 14.00-dan 18.00-dək qəbul edilir.
İxtisas imtahanlarının vaxtı haqqında əlavə məlumat veriləcəkdir. Vəkillər Kollegiyası Rəyasət Heyətinə 494-14-95 və 494-08-70 nömrəli telefonlara zəng vurub əlavə məlumat almaq olar.
AzərTAc{nl}