Azərbaycan paytaxtında yaşayış şəraitinin sürətlə yaxşılaşmasını nəzərə alan Birləşmiş Millətlər Təşkilatı cari il iyulun 1-dən Bakını öz təsnifatında "A" dərəcəli xidmət yeri kimi təyin etmək qərarına gəlmişdir.
Azərbaycanın Xarici İşlər Nazirliyindən bildirmişlər ki, BMT sistemində xidməti yerlərin təsnifatı "A"-dan "E"-yə kimi sıralanır və bu yerlərə ezam olunmuş BMT-nin beynəlxalq heyət üzvlərinə yaşayış üçün bəzi münasib şərtlərin olmaması müqabilində əlavə ödəmə həyata keçirilir.
"A" kateqoriyasına daxil olan xidməti yerlər yaxşı yaşayış şəraitinə malik yerlər hesab olunduğundan əlavə ödəmə nəzərdə tutulmur.
Azərbaycanla qonşu olan ölkələrə nəzər saldıqda BMT-nin fəaliyyət göstərdiyi əsas şəhərlərin hazırkı sıralanması aşağıdakı kimidir: Bakı, Ankara, İstanbul, Moskva - A, Tehran, Yerevan - C, Aşqabad, Tbilisi - D.{nl}