2013-cü ilin I rübü ərzində Azərbaycan Respublikası Rabitə və İnformasiya Texnologiyaları Nazirliyinin Dövlət Radiotezliklər İdarəsi tərəfindən iş planına və quruma daxil olmuş göstəriş və müraciətlərə əsasən 173 təşkilat, müəssisə və şirkətdə istismar olunan radioelektron vasitələrə (REV) texniki baxış keçirilmiş, müvafiq qaydada aktlar tərtib edilmişdir.

Rabitə və İnformasiya Texnologiyaları Nazirliyindən aldığımız məlumatda bildirilir ki, müəssisə və təşkilatlarda keçirilən texniki baxış zamanı 161 ədəd DRİ-də qeydiyyatdan keçməyən müxtəlif növ radioelektron vasitə aşkar olunmuşdur. Onlardan 120 ədədi möhürlənmiş, qalan 41 ədədinin qeydiyyata salınması üçün müvafiq tədbirlər görülür.

Dövlət qeydiyyatından keçməyən qeyri-qanuni radioelektron vasitə istifadəçiləri barədə İnzibati Xətalar Məcəlləsinin pozulmasına dair 24 protokol tərtib olunmuş, müvafiq  hüquqi tədbirlərin görülməsi üçün aidiyyəti rayon məhkəmələrinə müraciətlər edilmişdir.

Samirə ƏLİYEVA,
“Xalq qəzeti”