Bakının mərkəzindən “Olimpiya” stadionuna qədər yeni yol inşa ediləcək.

Bu barədə Trend-ə Nəqliyyat Nazirliyinin “Azəryolservis” ASC-nin mətbuat xidmətinin rəhbəri Pünhan Mürsəliyev məlumat vermişdir.

Onun sözlərinə görə, Heydər Əliyev və Ziya Bünyadov prospektlərinə paralel nəzərdə tutulan bu yol başlanğıcını Həsən Əliyev küçəsinin sonundan götürməklə birbaşa “Olimpiya” stadionuna qədər uzanacaq. Yolun ümumi uzunluğu 7 kilometrdən artıq, hərəkət zolaqlarının sayı isə 6 olacaq. Yol boyu tunellərin, yolötürücülərin tikintisi planlaşdırılır.

Yolun istifadəyə verilməsi Bakı şəhərinin mərkəzindən “Olimpiya” stadionuna birbaşa hərəkəti təmin etməyə, Heydər Əliyev prospektində hərəkət intensivliyini azaltmağa, “Azadlıq” meydanı – Heydər Əliyev adına Beynəlxalq Hava Limanı avtomagistralına və “Olimpiya” stadionuna maneəsiz, tıxacsız, sürətli bağlantılar yaratmağa imkan verəcək.