Bu gün ölkə vətəndaşlarının dövlət quruculuğunda fəal iştirakının təmin edilməsi üçün tədbirlər görülür, onların arzu və təklifləri yerlərdə öyrənilir, eləcə də problemləri ilə bağlı müəyyən istiqamətlərdə işlər görülür.

Ayrı-ayrı vaxtlarda bölgələrdə keçirilən  qəbullar da  bu baxımdan əhəmiyyətlidir. Görüş sakinləri maraqlandıran çətinliklərlə tanış olmaq, insanları düşündürən məsələlər barədə müzakirələr, təhlillər aparmaq, yerindəcə bəzi problemlərin həllinə nail olmaq məqsədi daşıyır.

İqtisadi inkişaf naziri Şahin Mustafayevin  aprelin 6-da Mingəçevir şəhərində Yevlax, Bərdə, Ağcabədi, Ağdaş, Ucar, Göyçay, Zərdab, Beyləqan, Laçın rayonlarından və Mingəçevir şəhərindən olan vətəndaşlar üçün keçirəcəyi qəbul da bu baxımdan əhəmiyyətlidir.

Qəbul saat 10.00 -da Mingəçevir şəhərində  başlanacaq.

Vətəndaşların İqtisadi İnkişaf Nazirliyinin “[email protected] elektron poçt ünvanı, 493-51-68, 493-88-67 (21-43), (050) 315-18-17 nömrəli telefonlar (əlaqələndirici şəxs Rövşən Ataşov), həmçinin nazirliyin Aran regional bölməsi (Elbrus Hüseynov, əlaqə telefonu: (02233) 6-73-10, (055) 206-88-52, Yevlax şəhəri, Heydər Əliyev prospekti, 34) vasitəsilə qəbula yazılmaları xahiş olunur.

Vaqif BAYRAMOV,

“Xalq qəzeti”