Azərbaycanın birinci xanımı, Heydər Əliyev Fondunun prezidenti, Milli Məclisin deputatı Mehriban xanım Əliyevanın təşəbbüsü ilə hər il aztəminatlı ailələrə bayram sovqatlarının verilməsi artıq bir ənənə halını almışdır. Bu, aztəminatlı ailələrə bayram günlərində böyük sevinc bəxş edir.

AzərTAc xəbər verir ki, martın 18-də Mehriban xanım Əliyevanın təşəbbüsü ilə Xəzər rayonunun 9 qəsəbəsində Novruz bayramı münasibətilə aztəminatlı ailələrə bayram sovqatı verilmişdir.

Xəzər rayonunun Zirə, Türkan, Şağan, Qala və digər qəsəbələrində yaşayan əlillərə, şəhid ailələrinə, müharibə iştirakçılarına və digər aztəminatlı şəxslərə, ümumilikdə, 7 min pay-sovqat paylanmışdır.