Ötən il Fövqəladə Hallar Nazirliyi (FHN) respublikada 1121 obyektdə tikinti işlərini müvəqqəti dayandırmışdır.

APA bildirir ki, bu barədə Nazirlər Kabinetindən Milli Məclisə göndərilən 2012-ci ilin hesabatında məlumat verilir. Məlumata görə, nazirliyin Tikintidə Təhlükəsizliyə Nəzarət Dövlət Agentliyi tərəfindən tikintidə mövcud qanunvericiliyin tələblərinin təmin edilməsinə, tikinti norma və qaydalarına əməl olunmasına nəzarət davam etdirilir.

Belə ki, 2326 obyektdə texniki və vizual baxış keçirilmiş, onlardan 1370 obyektə qüsurların aradan qaldırılması üçün tapşırıqlar verilmiş, 1121 obyektdə tikinti işlərinin müvəqqəti dayandırılmasına dair qərar qəbul edilmişdir.