Bakı Şəhər Gənclər və İdman Baş İdarəsi tərəfidən Abşeron Rəsm Qalereyasında Xocalı soyqırımının 21-ci ildönümünə həsr olunmuş “Müharibə uşaqların gözü ilə” mövzusunda Bakı şəhər orta ümumtəhsil müəssisələrinin yuxarı sinif şagirdləri arasında keçirilmiş rəsm müsabiqəsinin qaliblərinin mükafatlandırılması mərasimi keçirilmişdir. Sərgidə 70-dən çox rəsm əsəri nümayiş etdirilmişdir. Yeniyetmə rəssamlar müxtəlif rəng çalarlarından istifadə edərək, Xocalı faciəsinin real görüntülərini yaratmışlar.

Müsabiqədə fərqlənənlər mükafatlandırılmışlar.

Qeyd edək ki, tədbirdə Baş İdarənin, Rəssamlar İttifaqının və rəsm studiyalarının nümayəndələri iştirak etmişlər.

Leyla QURBANOVA,
“Xalq qəzeti”