NəsirəddinTusi adına Şamaxı Astrofizika Rəsədxanasının  direktoru, AMEA-nın müxbir üzvü Əyyub Quliyevin www.science.gov.az saytına verdiyi məlumata görə, 2013-cü ildə Azərbaycan ərazisinə baharın gəlişi martın 20-si Bakı vaxtı ilə saat 15:02 radələrində baş verəcəkdir.

Əyyub Quliyevin sözlərinə görə, martın 19-da Günəş səmanın cənub yarımkürəsindən şimal yarımkürəsinə keçid edəcəkdir. Həmin an Günəş Yerin hərəkət müstəvisi ilə Yerin ekvator müstəvisinin kəsişdiyi nöqtədə olacaqdır. Bu nöqtəyə astronomiyada “yaz bərabərliyi nöqtəsi” deyilir.

Günəş həmin nöqtədə olanda gecə və gündüz bərabərliyi qeydə alınacaqdır. Həmin andan başlayaraq, şimal yarımkürəsində astronomik bahar başlayır və bu, iyun ayının 21-nə qədər davam edir.

Martın 19-u Azərbaycanda axır çərşənbə, fevralın 26-sı isə ilk çərşənbədir.

Samirə ƏLİYEVA,
“Xalq qəzeti”