Azərbaycanın Almaniyadakı səfirliyi və Almaniya Azərbaycan Dostluq Cəmiyyəti (Alm.Az) tərəfindən Xocalı soyqırımı qurbanlarının xatirəsinə həsr olunmuş aksiya keçiriləcəkdir.

Diasporla İş üzrə Dövlət Komitəsindən AzərTAc-a bildirmişlər ki, fevralın 24-dən üç gün ərzində şəhərətrafı və şəhərdaxili 89 sərnişin nəqliyyatının monitorlarında “Azərbaycan Xocalı faciəsi qurbanlarının xatirəsini hər zaman böyük ehtiram ilə yad edir”, “Ermənistan tərəfindən azərbaycanlılara qarşı törədilmiş qətliam” ifadələri səhər saat 6-dan gecə saat 00:00-dək davamlı olaraq sərnişinlərə nümayiş etdiriləcəkdir. Monitorlarda nümayiş etdiriləcək ifadələri orta hesabla 450-500 min sərnişin izləyəcəkdir.