Ermənistanın silahlı bölmələri fevralın 12-də və 13-də gecə Berd rayonunun Çinarlı və Mosesqex kəndlərində yerləşən mövqelərdən Azərbaycan Ordusunun Tovuz rayonunun Ağbulaq və Əlibəyli kəndlərində, Noyemberyan rayonunun Voskevan kəndində yerləşən mövqelərdən isə Qazax rayonunun Quşçuayrım kəndində yerləşən mövqelərini atəşə tutmuşlar.

Müdafiə Nazirliyinin mətbuat xidmətindən AzərTAc-a bildirmişlər ki, Ermənistan silahlı birləşmələri Azərbaycan Respublikasının Ağdam rayonunun işğal olunmuş Nəmirli, Qaraqaşlı və Şuraabad, Goranboy rayonunun Tapqaraqoyunlu, Xocavənd rayonunun Kuropatkino kəndləri yaxınlığında və Füzuli rayonunun ərazisindəki adsız yüksəkliklərdə yerləşən mövqelərdən də silahlı qüvvələrimizin mövqelərini avtomat, pulemyot və iriçaplı pulemyotlardan atəşə tutmuşlar.

Düşmən cavab atəşi ilə susdurulmuşdur.