Gəncədə keçirilən “Gənc Liderlər üçün Qış Universiteti - Sığortalı Gənclik” layihəsinin rəsmi açılışı  keçirilmişdir.

Mərasimdə Gəncə Şəhər İcra Hakimiyyətinin başçısı Elmar Vəliyev, rabitə və informasiya texnologiyaları nazirinin müavini Elmir Vəlizadə, Bakı Şəhər Gənclər və İdman Baş İdarəsinin rəisi Raqif Abbasov, “İrəli” İctimai Birliyinin sədri Rauf Mərdiyev,  millət vəkili Ceyhun Osmanlı, Maliyyə Nazirliyinin Dövlət Sığorta Nəzarəti Xidmətinin rəis müavini Müşfiq İsrafilov, Aycan Sığortaçılar Assosiasiyasının sədri Orxan Bayramov, Xarici İşlər Nazirliyinin mətbuat xidmətinin rəhbəri Elman Abdullayev iştirak etmişlər.

   Qeyd edək ki, 8 fevral tarixinə qədər davam edəcək layihə müddətində 5 komanda (“Etimad”, “Uğur”, “Birlik”, “İnkişaf” və “Tərəqqi”) qalibiyyət uğrunda yarışacaq.

Leyla QURBANOVA,
“Xalq qəzeti”