Bu gün Rabitə və İnformasiya Texnologiyaları Nazirliyi (RİTN) ölkəmiz üçün strateji əhəmiyyəti olan böyük transmilli layihələrdə iştirakını, eləcə də mühüm layihələrin icrasını da davam etdirir. Bu sözləri RİT naziri Əli Abbasov demişdir.

Ə.Abbasov bildirmişdir ki, 2013-cü ilin Azərbaycanın rabitə sahəsi, ümumilikdə respublikamız üçün əlamətdar hadisələrlə zəngin ilə çevriləcəkdir.

Fevralın 7-dən 8-nə keçən gecə Azərbaycan özünün ilk süni peykini orbitə çıxaracaqdır. İlk peykimiz olan “Azərspace-1" Fransanın Cənubi Amerikada yerləşən ”Qviana" Kosmik Mərkəzinin “Kuru” kosmodromundan “Ariane Space” fransız şirkətinin raket daşıyıcısı vasitəsilə qaldırılacaq və geostasionar orbitə çıxarılacaqdır. Şərqi Avropa, Şimali Afrika, MDB, Mərkəzi Asiya, Şərqi Asiya ölkələrini əhatə edəcək peyk ölkəmizin bütün ərazisində internet və digər rabitə, televiziya yayımı üzrə xidmətlər təqdim edəcəkdir.

AzərTAc