Böyük Bakının Regional İnkişaf Planı layihəsinə görə 2030-cu ildə Abşeron yarımadası ərazisində sürətli dəmiryol xəttinin çəkilişi nəzərdə tutulmuşdur.

“Trend”in məlumatına görə, elektrik qatarı uzunluğu 90 kilometr təşkil edəcək xətt üzrə hərəkət edəcək.

Üzərində işlərin hələ başa çatmadığı plana görə, bu xətt Biləcəri dəmiryol stansiyasından başlayacaq və M.Ə.Rəsulzadə, “8-ci kilometr”, Sabunçu, Suraxanı, Binə, Mərdəkan, Maştağa, Zabrat, Novxanı və Pirşağı qəsəbələrini əhatə edəcək.

Plan Bakının 11 rayonunu, həmçinin, Sumqayıt və Xırdalan da daxil olmaqla, ümumi sahəsi 280 min hektar olan Abşeron yarımadasını əhatə edəcək.