Fevralın 2-də Azərbaycan Ağsaqqallar Şurası idarə heyətinin iclası keçirilmişdir. İclasda Şuranın növbədənkənar qurultayının keçirilməsi ilə bağlı məsələlər müzakirə edilmiş, Ağsaqqallar Şurası sədrinin müavini Fəttah Heydərovun rəhbərliyi altında Təşkilat Komitəsi yaradılmışdır. Təşkilat Komitəsinə fevralın birinci ongünlüyündə Ağsaqqallar Şurasının bütün şəhər və rayon təşkilatlarında konfransların keçirilməsinin və qurultaya nümayəndələrin seçilməsinin təmin edilməsi  həvalə olunmuşdur.

Təşkilat Komitəsindən AzərTAc-a bildirmişlər ki, iclasda Şuranın VI qurultayının fevralın 16-da Bakı şəhərində keçirilməsi qərara alınmışdır.

Növbədənkənar qurultayda ötən dövr ərzində qurumun fəaliyyəti ilə bağlı Ağsaqqallar Şurasının və nəzarət-təftiş komissiyasının hesabatlarının dinlənilməsi, rəhbər orqanların seçilməsi, Nizamnaməyə əlavə və dəyişikliklərin edilməsi nəzərdə tutulur.