Azərbaycan Turizm İnstitutunun nümayəndə heyəti Qafqaz Universitetində Avropa İttifaqının TEMPUS Proqramı çərçivəsində “Kompüter bilikləri sahəsində milli test mərkəzlərinin yaradılması” layihəsinin açılış mərasimində iştirak etmişlər.

Avropanın 5  və Azərbaycanın 11 universitetinin nümayəndəsinin iştirak etdiyi layihənin əsas məqsədi informasiya kommunikasiya texnologiyaları sahəsində biliklərin artırılması və onların ölçülməsidir. Üç il ərzində davam edən layihə 2015-ci ilin oktyabr ayında başa çatacaq. Layihənin sonunda Azərbaycanın müxtəlif universitetlərində sertifikatlaşdırılmış test mərkəzləri fəaliyyətə başlayacaqdır.

2013-cü il yanvar ayının 28-dən 29-na qədər Latviya, Litva, İspaniya, İsveç və Polşa universitetlərinin nümayəndələrinin də iştirak etdiyi tədbirdə Azərbaycan Turizm İnstitutu xarici əlaqələr və layihələr şöbəsinin müdiri Şəhla Əhmədova və informasiya texnologiyaları kafedrasının müdir müavini Flora Ələsgərova təmsil etmişlər.

 “Xalq qəzeti”