Azərbaycan, Türkiyə, Qırğızıstan türk dövlətlərinin və Monqolustanın da qoşulduğu silahlı qüvvələrinin ortaq birliyi yaradılıb. Bu barədə Trend-ə hüquq-mühafizə orqanlarından məlumat verilmişdir.

Ortaq silahlı qüvvələr birliyi dövlətlərin adlarının baş hərflərindən istifadə edilərək TAQM adlandırılmışdır.

Məlumatda qeyd olunur ki, ordunun simvolu hesab edilən at heykəli Azərbaycan Daxili Qoşunlarının komandanı general-leytenant Zakir Həsənov tərəfindən Türkiyə Jandarm Qüvvələrinin baş komandanı, ordu generalı Bəkir Kalyonşuya təqdim edilmişdir.

Yanvarın 23-də Bakıda Avrasiya Hərbi Statuslu Hüquq-Mühafizə Qurumları Assosiasiyasının növbəti iclası keçirilmişdir. İclasda Azərbaycan, Türkiyə, Qırğızıstan və Monqolustan nümayəndələri iştirak etmişlər.

İclasda Azərbaycan daxili işlər nazirinin müavini, Daxili Qoşunların komandanı, general-leytenant Zakir Həsənov, Türkiyə Jandarmeriyasının baş komandanı, ordu generalı Bəkir Kalyoncu, Qırğızıstan Daxili Qoşunlarının komandanı, polkovnik Sovetbek Arbayev və Monqolustandan müvafiq qurumun rəhbərinin başçılıq etdiyi nümayəndə heyətləri iştirak etmişlər.