Bıçaqlanma

Yanvarın 15-də, Bakıxanov qəsəbəsi Ə.Ağayev küçəsində, qəsəbə sakinləri Şamil Kərimov mübahisə zəminində Fuad Mikayılzadəyə bıçaq xəsarətləri yetirdiyi üçün Sabunçu RPİ 13-cü PB-nin əməkdaşları tərəfindən tutulmuşdur.

Narkotik  maddə

Yanvarın 14-də, Mircəlal küçəsində yaşayan Ceyran Nağıyevanın evindən açarseçmə yolu ilə oğurluğa cəhd edərkən, Bakı şəhər sakinləri, əvvəllər məhkum olunmuşlar İntiqam İbrahimov və Elçin Ələkbərov Binəqədi RPİ CAŞ və 7-ci PB-nin əməkdaşları tərəfindən tutulmuşdur. Onların üzərinə baxış keçirilərkən İ.İbrahimovdan 0,217, E.Ələkbərovdan isə 0,210 qram heroin və hər ikisindən kustar üsulla hazırlanmış açar əvəz edən alətlər aşkar edilmişdir.

Hərbi sursat

Xətai RPİ 34-cü PB əməkdaşlarının keçirdikləri əməliyyat tədbirləri nəticəsində Lənkəran şəhər sakini, əvvələr məhkum olunmuş Elçin Bəşirovdan «Makarov» tipli tapança və ona aid içərisində 2 ədəd patronu olan sandıqça aşkar edilərək götürülmüşdür.