Xəzər rayon İcra Hakimiyyəti başçısının Qala qəsəbə nümayəndəliyinin, rayonun təsərrüfat xidmətləri rəhbərlərinin, 100 nəfər  Qala qəsəbə sakininin iştirakı ilə keçirilən və 2012-ci ilin yekunlarına həsr olunan tədbirdə mühüm məsələlər  müzakirə olunmuş, növbəti il üçün konkret tədbirlər müəyyənləşdirilmişdir.

Tədbirdə Xəzər rayon İcra Hakimiyyətinin başçısı Gülağa İslamov Azərbaycan Respublikası Prezidenti cənab İlham Əliyev tərəfindən Bakı şəhərinin qəsəbələrinə göstərilən diqqət və qayğıdan danışmış, gələcəkdə Xəzər rayonunun qəsəbələrinin daha da abadlaşdırılması, sakinlərin həyat şəraitinin müasir standartlara cavab verə biləcək səviyyəyə çatdırılması üçün görülməli olan işlərdən söz açmış,  2012-ci ildə rayonda görülən işlər və həyata keçirilmiş sosial yönümlü layihələr barədə geniş məlumat vermiş,  ölkə başçısının tapşırıqlarına əsasən hazırda Xəzər rayonunda bir sıra infrastruktur obyektlərin tikintisi davam etdirildiyini bildirmiş və 2013-cü ildə Xəzər rayonunun sosial-iqtisadi həyatında əsaslı şəkildə dəyişikliklər olacağını, Dövlət proqramında öz əksini tapmış qəsəbədaxili problemlərin bir çoxunun 2013-cü ilin sonuna kimi öz həllini tapacağını qeyd etmişdir.

Tədbirin  sonunda  rayon İcra hakimiyyəti  sakinlər  tərəfindən qaldırılan məsələlərin həlli ilə əlaqədar aidiyyatı qurum rəhbərlərinə müvafiq tapşırıqlarını vermişdir.      

“Xalq qəzeti”