Beynəlxalq Haaqa Məhkəməsi Ermənistanin sabiq Prezidenti Robert Köçəryan barəsində Yerevan hakimiyyəti tərəfindən irəli sürülmüş iddiani qəbul etmişdir. İddiada sabiq prezidentə ölüm hökmünün verilməsi tələb olunur.
Bu barədə müxalifət təşkilatı olan Ermənistan Milli Konqresi (EMK) məlumat yaymışdır. Beynəlxalq Haaqa Məhkəməsindən bu qurumun ofisinə göndərilmiş müraciətdə sözügedən iddiaya baxılacağı vurğulanmışdır.
Ermənistanın NYUS.AM xəbər agentliyinin yaydığı məlumatda bildirilir ki, Ermənistan hakimiyyəti R.Köçəryanın cəzalandırılması ilə bağlı bütün güc strukturlarına tapşırıqlar vermişdir.
EMK da 2008-ci ilin mart hadisələri ilə bağlı 100 min imza toplayaraq Haaqa Məhkəməsinə göndərmişdir. R.Köçəryan insanlığa qarşı cinayət törətməkdə ittiham olunur. Onun günahlarını iddia edən sənədlər 280 səhifədən ibarətdir.
Xatırladaq ki, 2008-ci il martın 1-2-də Ermənistanda baş verən siyasi toqquşmalar zamanı onlarla insan həlak olmuşdur.
AzərTAc