Bakı Metropoliteni yeni xətdə yerləşən iki yeni stansiyasının inşasının hazırlıq işlərini yekunlaşdırmışdır. Bu barədə şənbə günü Trend-ə Bakı Metropolitenindən bildirmişlər.

Stransiyalardan biri Heydər Əliyev adına İdman Konsert Kompleksinin, ikincisi isə Xarici İşlər Nazirliyi və Qış bulvarının yaxınlığında yerləşəcək.

Məlumatda deyildiyi kimi, yeni xəttin yaradılması çərçivəsində başqa stansiyaların da tikintisi aparılır. “Avtovağzal” və “Memar Əcəmi-2” stansiyalarının tikintisi artıq həyata keçirilir. Əvvəllər Papanin adlandırılan Ceyhun Səlimov küçəsində yerləşən hərbi hospitalın qarşısında yerləşəcək stansiyanın da inşasının hazırlıq işləri yekunlaşdırılmışdır.

Xəttin çəkilişi “Herrenknext” və “Robbins” tunelqazma kompleksləri vasitəsilə həyata keçirilir.