Bölgədən “Xalq qəzeti”nə verilən məlumata görə, Azərbaycan Respublikası Prezidentinin 8 iyun 2012-ci il tarixli Sərəncamına əsasən 40 min nəfər əhalinin yaşadığı 20 yaşayış məntəqəsini birləşdirən Lənkəran-Vilvan-Osakücə-Türkəncil, 17 avqust 2012-ci il tarixli Sərəncamına əsasən 28 min nəfər əhalinin yaşadığı 16 yaşayış məntəqəsini birləşdirən Şürük-Vel-Qamışovka avtomobil yollarının tikintisi uğurla həyata keçirilir. Artıq Vilvandan Osakücəyədək və Günəhir kəndinin ərazisinədək olan yol tamamilə asfaltlaşdırılıb.

Şürük-Vel-Qamışovka avtomobil yolunda tikinti başa çatdırılıb. Şürükdən başlanan yol Siyavar kəndinin sonunadək tamamilə asfaltlaşdırılıb.

Qeyd edək ki, sözügedən avtomobil yolları bərbad vəziyyətdə idi. Payız-qış aylarında palçığın, yay aylarında isə toz-torpağın əlindən keçmək mümkün deyildi.