Amerika Birləşmiş Ştatlarının (ABŞ)  ölkəmizdəki səfirliyi tərəfindən bu ölkəyə səfər etmək üçün Azərbaycan vətəndaşlarına verilən vizaların sayı artmışdır.

Səfirlikdən  AzərTAc-a bildirmişlər ki, ötən il konsulluq xidməti tərəfindən 5600 viza verilmişdir.

Bildirilmişdir ki, ABŞ-a turizm məqsədi ilə səfər edən insanların sayında artım müşahidə olunur. Azərbaycandan olan turistlərin daha çox Nyu-York və Vaşinqtona səfər etdikləri qeyd edilmişdir. Həmçinin ABŞ-ın Texas ştatına işgüzar səfər etmək niyyətində olan neft sənayesində çalışan şəxslərin sayının da artdığı diqqətə çatdırılmışdır. Viza qaydalarını sadələşdirmək məqsədi ilə ərizələrin qəbulu və rüsum ödəmək üçün onlayn sistem tətbiq olunur.