Dünyada müdafiə təyinatlı məhsullarla yanaşı, mülki təyinatlı məhsulların da sərgisi keçirilir. Artıq Müdafiə Sənayesi Nazirliyi üç dəfə mülki təyinatlı məhsulların beynəlxalq sərgisində iştirak etmişdir.

AzərTAc xəbər verir ki, bu sözləri müdafiə sənayesi naziri Yavər Camalov jurnalistlərə müsahibəsində demişdir.

Y.Camalov demişdir ki, Müdafiə Sənayesi Nazirliyi bundan əlavə, on dəfə müdafiə təyinatlı məhsulların beynəlxalq sərgisində iştirak etmişdir. Sonuncu dəfə iştirak etdiyimiz sərgi İndoneziyada keçirilmişdir. Burada 125 adda müdafiə təyinatlı məhsullar nümayiş etdirmişik. Həmin sərgidə dünyanın aparıcı şirkətlərinin əksəriyyəti  Azərbaycanın Müdafiə Sənayesi Nazirliyinin istehsal etdiyi məhsullara maraq göstərmiş və əməkdaşlıq istiqamətində müəyyən razılaşmalar əldə olunmuşdur.