Vəkillər Kollegiyası rəyasət heyətinin sədri Azər Tağıyev məlumat vermişdir ki, konfransa respublikadan 82 nümayəndə seçilmişdir və onlardan 81-i konfransda iştirak edir.

Konfransda dövlət rəsmiləri, Milli Məclisin deputatları, Azərbaycan Hüquqşünasları Konfederasiyasının  və beynəlxalq təşkilatların nümayəndələri iştirak etmişlər. 

Azər Tağıyev konfransı açıq elan etmiş, Azərbaycanın dövlət himni səsləndirilmişdir. 

Konfransda Vəkillər Kollegiyası rəyasət heyətinin sədri Azər Tağıyev qurumun 2004-2012-ci illər ərzində fəaliyyəti ilə bağlı hesabat məruzəsi ilə çıxış etmişdir.

Sonra məruzə ətrafında çıxışlar olmuş, Vəkillər Kollegiyası rəyasət heyətinin fəaliyyəti qənaətbəxş qiymətləndirilmişdir.

Konfransda təşkilati məsələyə baxılmış, Hesablama Komissiyasının üzvləri və sədri seçilmişdir.

Daha sonra Vəkillər Kollegiyası rəyasət heyəti sədrinin seçkisi keçirilmişdir. Azər Tağıyev yenidən yekdilliklə Vəkillər Kollegiyası rəyasət heyətinin sədri seçilmişdir.

Vəkillər Kollegiyası rəyasət heyətinin sədr müavinləri, üzvləri, intizam komissiyasının tərkibi müəyyən edilmiş, sədri seçilmişdir.

Hesablama komissiyasının nəticələrinə dair protokollar, “Vəkillərin davranış qaydaları haqqında” Əsasnamə və rəyasət heyətinin 2013-2017-ci illər üzrə büdcəsi təsdiq olunmuşdur.  

AzərTAc