Noyabr ayının ortalarından başlayaraq, Lənkəranın şəhər, qəsəbə və kəndlərində yaşıllaşdırma aylığı keçirilir. Kampaniya artıq kütləvi xarakter almışdır. Ötən şənbə günü isə bu kampaniyanı dəstəkləyən ümumrayon iməciliyi təşkil edilmişdir.
İməcilikdə bütün yaşayış məntəqələri sakinlərinin iştirakı ilə park, xiyaban və meydanlarda, magistral yol və küçə kənarlarında müxtəlif növ ağac, həmişəyaşıl bitki və dekorativ kollar əkilmişdir. Tədbirdə şəhər icra hakimiyyəti aparatının işçiləri, ərazi icra nümayəndəliklərinin, bələdiyyələrin üzvləri, Mənzil İstismar və Kommunal Müəssisələr İdarəsinin, 1 saylı ərazi üzrə Ekologiya və Təbii Sərvətlər Şöbəsinin, Lənkəran Meşə Bərpası və Mühafizəsi Müəssisəsinin, Hirkan Milli Parkının əməkdaşları fəallıq göstərmişlər.
Ağacəkmə kampaniyası dekabrın 15-ədək hər gün davam edəcək.

Əli NƏCƏFXANLI, "Xalq qəzeti"nin bölgə müxbiri