Noyabrın 27-də ədliyyə naziri Fikrət Məmmədov Bakıda səfərdə olan Türkiyə Böyük Millət Məclisinin sədri Cəmil Çiçək ilə görüşmüşdür.
Ədliyyə Nazirliyinin mətbuat xidmətindən AzərTAc-a bildirmişlər ki, görüşdə dost və qardaş ölkələrimiz arasında strateji tərəfdaşlıq və əməkdaşlıq münasibətlərinin dinamik inkişafı, parlamentlərarası əlaqələrin yüksək səviyyədə olduğu, respublikamızın sürətli tərəqqisi, iqtisadi, siyasi və hüquqi sahələrdə yüksək nailiyyətin əldə edildiyi məmnunluqla vurğulanmışdır.
C.Çiçəyin hələ ədliyyə naziri olduğu vaxtlardan hüquqi sahədə mühüm sənədlərin imzalanması ilə əməkdaşlığın genişləndirilməsinə böyük təkan verildiyi bildirilmiş, qanunvericiliyin təkmilləşdirilməsi, ədliyyə və məhkəmə infrastrukturunun müasirləşdirilməsi, hakimlərin şəffaf seçimi və tədrisi üzrə faydalı müzakirələr aparılmış, bu sahədə qardaş Türkiyənin dəstəyi təqdir edilmiş, təcrübə mübadiləsinin hər iki tərəf üçün səmərəsi qeyd olunmuşdur.