Beynəlxalq konfransda müzakirə olunan mövzular tədbirdə iştirak edən xarici qonaqlar üçün də maraqlıdır. Bu problemlər üzərində təkcə Tələbə Qəbulu üzrə Dövlət Komissiyası (TQDK) deyil, təhsilin qiymətləndirilməsi ilə məşğul olan müxtəlif təşkilatlar da çalışır.
Bu sözləri noyabrın 23-də Bakıda "Tələbə Qəbulu üzrə Dövlət Komissiyası - 20 il: inkişaf mərhələləri" mövzusunda keçirilən Beynəlxalq konfransda TQDK-nın sədri Məleykə Abbaszadə AzərTAc-a müsahibəsində demişdir.
M.Abbaszadə statistik təhlilin nəticələrindən təhsilin keyfiyyətinin artırılması üçün necə istifadə etməli və digər suallara konfransda birgə müzakirələr zamanı elmi müstəvidə cavab tapılacağına inandığını vurğulamışdır.