Ermənilər Ermənistan-Azərbaycan, Dağlıq Qarabağ münaqişəsinin BMT-də müzakirəsindən qorxurlar. Çünki Azərbaycanın BMT çərçivəsində hərtərəfli fəaliyyəti nəticəsində ölkəmizin nüfuzu gündən-günə artır.
AzərTAc xəbər verir ki, bu sözləri Azərbaycan Xarici İşlər Nazirliyinin xüsusi tapşırıqlar üzrə səfiri Yaşar Əliyev jurnalistlərə açıqlamasında demişdir.
Y.Əliyev bildirmişdir ki, Azərbaycanın BMT Təhlükəsizlik Şurasına qeyri-daimi üzv seçilməsi Prezident İlham Əliyevin həyata keçirdiyi uğurlu xarici siyasətin bariz nümunəsidir. Diplomat demişdir: "Biz bilirik ki, məhz BMT ermənilər üçün qorxulu və böyük bir təhlükə olan yerdir. Ona görə onlar var qüvvələri ilə çalışırlar ki, BMT-də Dağlıq Qarabağ məsələsi müzakirə olunmasın. Azərbaycan düz yoldadır və öz hədəfinə çatacaqdır".