Yeni Azərbaycan Partiyasının Qadınlar Şurası partiyanın Yasamal rayonundakı qərargahında gənc ailələrə sosial və mənəvi dəstək olmaq məqsədilə tədbir keçirmişdir.
Tədbirdə YAP Qadınlar Şurası Yasamal rayon təşkilatının sədri Validə Vəliyeva çıxış edərək bildirmişdir ki, Azərbaycanda gənc ailə quranlara mənəvi və sosial dəstək olmaq lazımdır. Onun sözlərinə görə, ailənin tərkibi güclü dayaqlar üzərində qurulmalıdır. Çünki bu, gənc ailənin inkişafına güclü təkan verə bilər, boşanmaların sayını azaldar.
Sonra isə YAP Qadınlar Şurasının təklifilə partiyanın bazasında "Külfət" ictimai birliyi yaradılmışdır. Həmin birliyin sədri Validə Vəliyeva seçilmişdir. Tədbirdə Ailə, Qadın və Uşaq Problemləri üzrə Dövlət Komitəsinin, müxtəlif qeyri-hökumət təşkilatlarının təmsilçiləri və ictimaiyyətin nümayəndələri iştirak etmişlər.

Qəzənfər QASIMOV, "Xalq qəzeti"