Avropa Şurası Parlament Assambleyası (AŞPA) Monitorinq Komitəsinin həmməruzəçiləri Jozef Debono Qrex (Malta) və Pedro Aqramunt Font de Mora (İspaniya) noyabrın 25-də Azərbaycana səfər edəcəklər.
AzərTAc xəbər verir ki, həmməruzəçilər dörd gün Bakıda olacaq və Azərbaycanın rəsmiləri ilə görüşəcəklər. Səfərin məqsədi Azərbaycanın AŞPA qarşısında götürdüyü öhdəliklərin yerinə yetirilməsinin qiymətləndirilməsidir. Bu, Azərbaycanın Avropa Şurası qarşısında öhdəliklərinin icra vəziyyətinə dair hesabatın AŞPA-nın plenar sessiyasına tövsiyə olunmasından əvvəl həmməruzəçilərin bölgəyə son səfəri olacaqdır.
Xatırladaq ki, J.Debono Qrex və P.Aqramunt sonuncu dəfə fevralın 1-3-də Azərbaycanda səfərdə olmuşlar.