Ölkənin şimal-qərb bölgəsində baş vermiş zəlzələnin nəticələrinin aradan qaldırılması istiqamətində Fövqəladə Hallar Nazirliyi və əlaqədar dövlət qurumları tərəfindən kompleks tədbirlər davam etdirilir. 
Azərbaycanın fövqəladə hallar naziri, general-polkovnik Kəmaləddin Heydərov noyabrın 15-də yenidən zəlzələ bölgəsinə getmişdir.
Fövqəladə Hallar Nazirliyindən bildirmişlər ki, Kəmaləddin Heydərov zəlzələdən zərər çəkən Zaqatala və Balakən rayonlarının bir sıra kəndlərində olmuş, qəzalı vəziyyətdə olan evlərə baxmış, tikinti işlərinin gedişi ilə maraqlanmışdır.
Balakən rayonundakı Püştətala kənd ibtidai məktəbinin, Zaqatala rayonundakı Mamrux və Faldar kənd tam orta məktəblərinin açılışlarında iştirak edən fövqəladə hallar naziri, həmçinin, həmin kəndlərdə tikintisi başa çatan mənzillərin açarlarını sakinlərə təqdim etmişdir.

AzərTAc