Zənnimcə, festival çərçivəsində rəssamlarla Bakı şəhərinin sakinləri arasında maraqlı dialoq yaranmışdır. Festivalın ən mühüm məqamlarından biri rəssamların tamaşaçılarla ünsiyyətidir. 
AzərTAc xəbər verir ki, bu sözləri "YARAT!" Müasir İncəsənət Məkanının rəhbəri Aida Mahmudova "012 Bakı Public Art Festivalı"nın yekunlarına həsr olunmuş tədbirdə jurnalistlərə müsahibəsində demişdir.
Bildirmişdir ki, festival çərçivəsində rəssamların öz əsərlərini daha açıq məkanda, geniş şəkildə təqdim etmələri şəhər sakinlərinin diqqətini cəlb etmişdir. Həmçinin, layihənin müəyyən müddət davam etməsi də bu imkanları genişləndirmişdir.
Belə layihələrin gələcəkdə də davam etdiriləcəyini bildirən Aida Mahmudova mövzuda bəzi dəyişikliklər olsa da, müasir incəsənətin təbliği ilə bağlı əsas ideyanın dəyişməyəcəyini diqqətə çatdırmışdır.