Noyabrın 5-də Bakı Ekspo-mərkəzində İnternet-idarəetmə məsələlərinə dair VII Beynəlxalq forum çərçivəsində Azərbaycan Respublikasının və Birləşmiş Millətlər Təşkilatının bayraqlarının qaldırılması mərasimi olmuşdur. 
AzərTAc xəbər verir ki, Azərbaycan Respublikası rabitə və informasiya texnologiyaları naziri Əli Abbasov və BMT-nin Baş katibinin müavini Vu Honqbo mərasimdə iştirak etmişlər.
Xatırladaq ki, forum noyabrın 6-da işə başlayır. Forumda dünyanın müxtəlif ölkələrini təmsil edən 1500-ə yaxın nümayəndə iştirak edir. "Davamlı insan, iqtisadi və sosial inkişaf naminə İnternetin idarə edilməsi" mövzusuna həsr edilmiş bu forumda İnternetin inkişafından irəli gələn qlobal problemlər, iqtisadiyyatın, təhsilin və mədəniyyətin tərəqqisində İnternet texnologiyalarının rolu müzakirə ediləcəkdir.