Oktyabrın 29-da Azərbaycan Respublikasının Baş naziri Artur Rasizadə Rusiya Federasiyası Qaraçay-Çərkəs Respublikasının başçısı Rəşid Təmrəzovun rəhbərlik etdiyi nümayəndə heyəti ilə görüşmüşdür. 
Səmimilik şəraitində keçən görüşdə Rusiya Federasiyasının subyektlərindən biri olan Qaraçay-Çərkəs Respublikası ilə ölkəmiz arasında səmimi dostluq münasibətlərinin çoxəsrlik tarixi xatırlanmışdır. Bu baxımdan iqtisadi-mədəni əlaqələrin daha da genişlənməsi, iş adamlarının müxtəlif sahələrə sərmayə qoyması üçün hər cür imkanların mövcudluğu diqqətə çatdırılmışdır. Hər iki tərəf qarşılıqlı faydalı əməkdaşlığın dərinləşməsinə xidmət edən bütün layihələri dəstəkləməyə hazır olduğunu vurğulamışdır.
Görüşdə tərəfləri maraqlandıran məsələlər ətrafında fikir mübadiləsi aparılmışdır.

AzərTAc