- Azərbaycanda keçirilən beynəlxalq tədbirlərin sayının çoxalması ölkənin qlobal əhəmiyyət daşımasının göstəricisidir. Hazırkı forumun əhəmiyyəti olduqca böyükdür və bu, iştirakçı ölkələr arasında multikulturalizm mübadiləsində mühüm rol oynayır. Azərbaycan özünün əlverişli coğrafi mövqedə yerləşməsi və sürətli inkişafı ilə diqqəti cəlb edir.Ölkəniz zəngin mədəniyyətə, resurslara malikdir və bütün bunlar Azərbaycanın dünyaya inteqrasiyasının önəmini artırır.
Xalqınızın qonaqpərvərliyini, səmimiyyətini də yüksək qiymətləndirmək yerinə düşərdi. Bu baxımdan indiki forum mədəniyyətlərarası inteqrasiya üçün növbəti şansdır. Əminəm ki, belə bir mühüm tədbir nəticəsində ciddi uğurlar əldə olunacaq.
Bakıda şahidi olduğum dinamik inkişaf, möhtəşəm quruculuq işləri məni heyrətləndirdi. Mən artıq postsovet bir ölkənin yox, dünyanın qabaqcıl bir dövlətinin tərəqqisinin şahidiyəm.

Söhbəti qələmə aldı: Anar TURAN, "Xalq qəzeti"