Azərbaycan Respublikasının Prezidenti İlham Əliyevin 2004-cü il 1 iyul tarixli Sərəncamı ilə təsdiq edilmiş "Qaçqınların və məcburi köçkünlərin yaşayış şəraitinin yaxşılaşdırılması və məşğulluğunun artırılması üzrə Dövlət Proqramı"nın müvafiq bəndinə uyğun olaraq, Dövlət Torpaq və Xəritəçəkmə Komitəsinin (DTXK) rəhbərliyi Dövlət Müstəqilliyi Günü və Qurban bayramı münasibətilə Ağsu rayonunda olmuş, həmin rayonda müvəqqəti məskunlaşmış məcburi köçkün ailələrinə kollektivin yardımını çatdırmışdır. 
DTXK-nın mətbuat xidmətindən AzərTAc-a bildirmişlər ki, bütövlükdə 377 məcburi köçkün ailəsinə 18,965 manatlıq düyü, şəkər tozu, çay, yağ, un və digər ərzaq məhsullarından ibarət yardım edilmişdir.