Niderlandda fəaliyyət göstərən "Azərbaycanın Holland Dostları" cəmiyyətindən bildirmişlər ki, dünyanın ən məşhur gül parkı olan "Kukenhov"da ümummilli lider Heydər Əliyevin adına yetişdirilmiş qızılı-bənövşəyi rəngli zanbaq 2010-cu ildə parkın qonaqlarına təqdim olunacaqdır.

İlk dəfə olaraq yetişdirilmiş Heydər Əliyev adına zanbaq dünyanın digər tanınmış şəxsiyyətlərinin şərəfinə adlandırılmış zanbaqlarla bərabər nümayiş etdiriləcəkdir. "Kukenhov" gül parkına hər il bütün dünyadan milyonlarla ziyarətçi gəlir. Park il ərzində yalnız üç ay - mart-may aylarında fəaliyyət göstərir.