Bu haqda Rusiya Federasiyasının Prezidenti Vladimir Putin Fərman imzalamışdır.
Fərmanda deyilir ki, İ.Paşazadə Rusiyanın bu yüksək dövlət mükafatına teleradio verilişlərinin inkişafına böyük töhfəsinə və "Mir" Dövlətlərarası Teleradio Şirkətinin Azərbaycan Respublikasındakı Milli nümayəndəliyinin direktoru vəzifəsində çoxillik səmərəli fəaliyyətinə görə layiq görülmüşdür. O, artıq 10 ildir ki, Teleradio Şirkətinin Azərbaycandakı Milli nümayəndəliyinə başçılıq edir.
"Mir" Dövlətlərarası Teleradio Şirkəti" Qapalı Səhmdar Cəmiyyəti MDB-nin iştirakçısı olan dövlətlərin başçıları arasında bağlanmış sazişə əsasən 1992-ci il oktyabrın 9-da yaradılmışdır. 1993-cü ildə Azərbaycan xalqının ümummilli lideri Heydər Əliyevin təşəbbüsü ilə Azərbaycan MDB-yə daxil olmuş və beləliklə, ölkəmiz "Mir" Teleradio Şirkətinin həmtəsisçilərindən birinə çevrilmişdir.